5.8 C
Prizren
E mërkurë, 1 Shkurt, 2023

Dëshmitari refuzon të përgjigjet në gjykimin ndaj drejtorit të shkollës në Malishevë

Zyrtari nga Drejtoria për Arsim dhe Edukim në Komunën e Malishevës, Remzi Buqaj, i paraqitur si dëshmitar në gjykatë deklaron se nuk është në gjendje që të përgjigjet për rastin ku po akuzohet drejtori i shkollës “Ibrahim Mazreku”, në Malishevë, Jonuz Mazreku, duke thënë se nuk është person përgjegjës për këtë rast.

Këto deklarime Buqaj, i bëri në vazhdimin e shqyrtimit gjyqësor ndaj drejtorit të Shkollës Fillore të Mesme të Ultë “Ibrahim Mazreku”, në Malishevë, Jonuz Mazreku, i akuzuar për asgjësim ose heqje të pajisjeve mbrojtëse dhe rrezikim i sigurisë në vendin e punës.

Buqaj e njoftoi gjykatën se për këtë rast përgjegjës për të dëshmuar është drejtori i Drejtorisë së Arsimit, Blerim Thaqi.

Pas kësaj gjyqtari i çështjes Njazi Morina njoftoi palët se seanca e sotme do të shtyhet për datën 25 nëntor të këtij viti, dhe me ftesë të rregullt do të ftohet drejtori i Drejtorisë së Arsimit në Komunën e Malishevës, Blerim Thaqi.

Prokuroria Themelore në Gjakovë, për këtë rast më 22 qershor 2016, ka ngritur aktakuzë kundër të akuzuarit Jonuz Mazreku, duke e ngarkuar atë se në cilësinë e drejtorit të Shkollës Fillore të Mesme të Ultë “Ibrahim Mazreku”, në Malishevë, ka kryer veprën penale “Asgjësimi apo heqja e pajisjeve mbrojtëse dhe rrezikimi i sigurisë në vendin e punës”, nga neni 367, paragraf 7, lidhur me paragrafin 3 të KPRK-së.

Sipas aktakuzës, i akuzuari Mazreku, në cilësinë e përgjegjësit të shkollës, vepron në kundërshtim me Ligjin për Sigurinë dhe Shëndetin në Punë, duke mos u kujdesur për sigurinë e punëtorëve, nuk ka siguruar pajisjet mbrojtëse, dhe nuk i ka mirëmbajtur në gjendje të rregullt për përdorim të nevojshëm në punë.

Gjithnjë sipas aktakuzës, i akuzuari Mazreku, ka rrezikuar jetën e punëtorit të tij, dhe në vendin ku gjendej kaldaja, e cila shërbente për ngrohtoren e shkollës fillore “Ibrahim Mazreku”, në Malishevë, i ndjeri Z.H, i cili më 5 dhjetor 2014, kishte shkuar për ta ndezur ngrohtoren e shkollës, bombola e gazit kishte eksploduar, me çka edhe ishte rrënuar i tërë objekti, dhe në këtë rast ai nga lëndimet e marra kishte ndërruar jetë. /BetimipërDrejtësi

Më Shumë

33 vjet nga vendimi për Aksionin e Pajtimit të Gjaqeve

33 vjet më parë Myrvete Dreshaj, Have Shala, Adem Grabovci dhe Brahim Dreshaj dhe Lulëzim Etemaj e kishin marrë vendimin për të filluar Aksionin...

Kurti për koeficientin: Rritja më e madhe e pagave që nga pas lufta

Kryeministri i Kosovës Albin Kurti gjatë një vizite që ka bërë në një fabrikë këpucësh ka folur sërish për ligjin e pagave, saktësisht për...

Lajmet e Fundit