Web faqja dhe platforma e njohur e dizajnit grafik dhe dizajnit të paketimit të produkteve “Design and design” ka përzgjedhur dizajnin e posterit të “Dam Fest”-it, si më të mirin e ditës.
Kështu posteri i Festivalit DAM do të publikohet në librin e “Design and design – Book of the year” që është përmbledhje e dizajneve më të mira të krijuara gjatë vitit në 160 vende të botës.
Posteri i “DAM Fest”-it është krijuar nga studioja grafike ‘Ishulli’ në Prishtinë.
E themeluar në vitin 2008 nga dizajneri italian –francez Marc Parquin, ‘Design and Design’ është platformë jo fitimprurëse e cila ka për qëllim promovimin e dizajnerëve më të mirë të botës.
“Design and design” është pikë referente në botën e dizajnit dhe çdo vit dizajnet më të mira i përmbledh në librin “Design and design – Book of the Year”.