Mbrëmë pas mesnate, rreth orës 2 e 30 ka shpërthyer një zjarr i madh në dy lokale afariste në Rahovec. Nga zjarri janë dëmtuar lokalet hoteliere “All Star 2” dhe “Hardhia”. Lokalet ndodhen në pronën e ish ndërmarrjes shoqërore tregtare “Podrima”, që ka qenë pronë komunale e që i është dhënë në shfrytëzim ndërmarrjes tregtare.
Bashkë me lokalet janë djegur edhe disa vetura që ndodheshin në afërsi.
Zjarrfikësit janë përballur me flakët gjatë gjithë natës, duke e vënë nën kontroll zjarrin. Dëmet materiale janë të konsiderueshme, ndërsa përgjegjësit komunal për emergjenca janë në vend të ngjarjes, duke bërë evidentimin e dëmeve. /PrizrenPress.com/