21.1 C
Prizren
E martë, 1 Korrik, 2025

Dillian Whyte pritet të jetë kundërshtari i Tyson Furyt

Këtë javë, presidenti i Këshillit Botëror të Boksit thuajse konfirmoi se meçi radhës i Tyson Furyt do të jetë ndaj sfiduesit obligativ, Dillian Whyte.

Ky i fundit është dashur të ndeshej këtë fundjavë me Otto Wallin, mirëpo një lëndim në shpatull ia ka pamundësuar një duel të tillë, prandaj në vend se të ricaktojë meçin me suedezin, ai dëshiron që të luftojë për titullin e botës në WBC.

“Rregulli i WBC-së është shumë i qartë që fituesi i Fury-Wilder ka një muaj kohë që të sigurojë duelin e unifikimit me Usyk, që e mposhti Joshuan”.

(Foto: SkySports)

“Nëse nuk e bëjnë këtë, atëherë dueli për WBC do të zhvillohet ndaj një sfiduesi obligativ, që është kampioni i përkohshëm”, ka thënë presidenti i WBC-së, Mauricio Salaiman, për TalkSport.

Në anën tjetër, Gypsy King, i cili e cementoi titullin e të pamposhturit me triumfin ndaj Deontay Wilder, në trilogjinë e jashtëzakonshme, është i njohur për zgjedhjen e pakushtëzuar të kundërshtarëve dhe pritet të shihet se cili do të jetë hapi i tij i radhës. /Telegrafi/

Më Shumë

Prof. Mehmet Topalli – Një jetë e tëra për gjuhën shqipe

Prof. Mehmet Topalli, magjistër i shkencave të filologjisë, ishte një ndër personalitetet më të çmuara të arsimit dhe kulturës shqiptare. Për dekada me radhë,...

Licenca A në duart e trajnerëve të rinj

Kryetari i FFK-së, Agim Ademi ka shpërndarë sot Licencat A UEFA për trajnerët që kanë përfunduar me sukses kursin e organizuar nga Departamenti i...

Lajmet e Fundit