Agjencia gjermane e lajmeve “Deutsche Welle” raporton se Kosova është duke votuar në kohën kur ky vend po përballet me korrupsionin dhe papunësinë ndërsa sipas tyre, Hashim Thaçi po përballet me një luftë të fortë nga opozita për të fituar mandatin e tij të tretë si kryeministër.
“Edhe pse minoriteti serb kishte premtuar se do të bojkotonte këto zgjedhje, ata pas presionit nga Beogradi janë pajtuar që të marrin pjesë në to”, shkruan DW.
“Deutsche Welle” edhe njëherë ka bërë me dije se disa anëtarë të Partisë Demokratike të Kosovës janë të lidhur me krimin e organizuar.
“Një taks forcë e veçantë e BE-së është duke hetuar akuzat se UÇK-ja ka trafikuar organet e serbëve të burgosur gjatë luftës së fundit. Një raport i vitit 2011 nga Këshilli i Evropës e implikon Thaçin dhe katër anëtarë të PDK-së në këto trafikime të organeve”, shkruan DW.