Kryeprokurorin e Prokurorisë Themelore në Prizren, Sylë Hoxha, sot e kanë vizituar dy ekspert gjerman në kuadër të Projektit “Fuqizimi i Shërbimit Korrektues dhe Sprovues të Kosovës” të binjakëzimit të BE-së.
Udhëheqësi i këtij projekti, Dr. Peter Best, si dhe gjyqtari Shtefan Sherer, thanë se qëllimi i kësaj vizite ka qenë përdorimi dhe promovimi i masave dhe i dënimeve alternative.
Ekspertët në fjalë ishin në shoqëri të udhëheqësit të projektit nga Kosova, Bajram Bujupi, drejtor i Shërbimit Sprovues të Kosovës, dhe Armend Mustafa, udhëheqës i Divizionit për Masa dhe Dënime Alternative.
Gjatë takimit u bisedua për aplikimin dhe promovimin e masave alternative, aplikimi i të cilave do të ndikonte në shkurtimin e procedurave në prokurori, me çka do të arrihej edhe zvogëlimi i numrit të rasteve si dhe me aplikimin e këtyre masave do të zvogëlohej edhe mbingarkrimi i shërbimit korrektues të Kosovës.
Kryeprokurori i Prizrenit, Sylë Hoxha, i falenderoi mysafirët dhe i inkurajoi ata me fjalët se Prokuroria Themelore në Prizren e mirëpret këtë projekt i cili veçse ka filluar së zbatuari.
Ai shprehu gatishmërinë për ofrimin e mundësisë që në lokalet e prokurorisë të organizohen tryezat të rrumbullatëa në temën “Përdorimi dhe promovimi i masave dhe dënimeve alternative”. /TV Prizreni/