Edmond Budina dhe Namik Ajazi janë përfitues të fondeve publike italiane të dhuruara përmes përmes ministrisë së Kulturës së këtij shteti
Qendra Kombëtare e Kinematografisë në Shqipëri ka njoftuar se dy regjisorë shqiptarë kanë fituar financimin e Ministrisë së Kulturës së Italisë për dy projektet e tyre kinematografike.
“Regjisorët Edmond Budina dhe Namik Ajazi janë fitues të këtij financimi të rëndësishëm që na mbush me optimizëm”,thuhet në njoftimin e Qendrës Kombëtare të Kinematografisë.
Regjisori Budina ka fituar përkrahje financare për filmin më metrazh të gjatë të titulluar “Të thyer”. Ngjarja e këtij projekti kinematografik është e trilluar por nga realiteti i sotëm shqiptar që ngërthen në vete shpërbërjen shpirtërore të njerëzve.
Në këtë ndotje të shoqërisë përvec shpërfytyrimit të njeriut të sotëm i cili harron gjithcka në favor të përfitimit një rol jo të vogël zë edhe politika. Në mesin e përsonazheve gjendet edhe një politikan i ri Andi Budi i cili interpretohet nga aktori Leart Vasili. Ky aktor luan rolin e një politikani të inkriminuar që për të bërë karrierë mund të shesë nënë e babë.
Filmi është bashkëprodhim Shqipëri-Itali dhe Maqedoni. Ndërsa regjisori Namik Ajazi ka fituar me projektin e tij “Portreti i papërfunduar i Klara Bellit”. /KultPlus.com