I arrestuari Izet Krasniqi, i kërkuar nga Interpoli, si i dyshuar për disa vepra të paligjshme është ekstraduar në Shqipëri.50 vjeçari nga Prizreni dyshohet për trafik të drogës, pjesëmarrje në organizata kriminale, e vepra të tjera.
Koha.net nga burime jo-zyrtare mëson se Krasniqi kërkohet nga disa shtete, përfshirë Italinë e Slloveninë. Ekstradimi i tij është bërë sot rreth orës 13:00, kurse Izet Krasniqi është arrestuar në vitin 2013. Në Shqipëri, sipas burimeve të Koha.net, atë e pret procesi i rigjykimit.
Kosova dhe Shqipëria kanë një marrëveshje të ekstradimit për shtetasit e njëri-tjetrit.Këtë lloj marrëveshje Kosova e ka vetëm me Shqipërinë.Disa herë ka ndodhur që shtetas të Kosovës të ekstradohen në Shqipëri dhe anasjelltas, por rasti i Krasniqit vlerësohet “i profilit të lartë”.