Falë angazhimit të jashtëzakonshëm të Drejtorisë së Shërbimeve Publike, qyteti i Prizrenit është një ndër qytetet më të pastërta në Kosovë. Tradita e qytetarëve të Prizrenit qysh në kohët më të vjetra për tu përkujdesur për qytetin e bartur deri në ditët e sotme dhe e e gërshetuar me angazhimin maksimal të drejtorisë përkatëse kanë bërë që Prizrenit të jetë shembull i qytetit të pastër jo vetëm në vend. Qytetarët e Prizrenit e vlerësojnë pastërtinë e qytetit.
Prizreni duke qenë qyteti më i vizituar në Kosovë përveç me bukuritë e trashëgimisë kulturore vlerësohet nga vizitorët edhe për pastërtin e qytetit. Vizitorët e huaj shprehen të kënaqur me pastërtin e qytetit të Prizrenit.
Me qëllim që qyteti të jetë sa më i pastër Drejtoria e Shërbimeve Publike organizon përgjatë tërë vitit aksione ekologjike duke krijuar hapësira të reja të gjëlbërta, duke mbjellur fidane të reja por edhe duke i motivuar qytetarët që ta mirëmbajnë që nga oborri i tyre, hapësirave para shtëpive të tyre por edhe lagjet. Për çdo vit Kuvendi Komunal organizon aktivitetin ekologjik për shpalljen e ballkonit më të mirë, kopshtit më të mirë, lagjes më të pastër dhe më ekologjike./TV Opinion/