22.8 C
Prizren
E hënë, 8 Gusht, 2022

Enciklopedia e viktimave

VIKTIMAT--KOMUNISTE--07_9Është promovuar, në mjediset e Muzeut Historik Kombëtar, vëllimi i dytë i fjalorit enciklopedik të viktimave të terrorit komunist.

Ky fjalor është një inventar i detajuar dhe përfshin të gjithë ata qytetarë shqiptarë, që iu nënshtruan dhunës dhe terrorit në kohën e diktaturës.

Botimi përfshin tre kategori kryesore; të pushkatuarit, të dënuarit politik dhe të internuarit; dhe vjen si një bashkëpunim mes Institutit të Studimit të Krimeve dhe Pasojave të Komunizmit dhe Fondacionit gjerman “Konrad Adenauer”.

“Për secilin zë dhe emër, ne kemi shfrytëzuar dosjet gjyqësore e hetimore, si dhe të ashtuquajturat dëshmi penale të kohës. Informacioni është i ngjeshur. Synimi kryesor i yni me këtë projekt, fjalor enciklopedik për viktimat e terrorit komunist, është të krijojmë të parën bazë të dhënash të persekutimit, e cila u hap më pas rrugën të gjitha mënyrave të studimit antropologjike, statistikore, politike, sociologjike, ideologjike, etj.”, tha Agron Tufa, drejtor i Institutit të Studimit të Krimeve dhe Pasojave të Komunizmit.

Fjalori, sipas z. Tufa, pritet të arrijë deri në 10 vëllime. E pranishme në promovim ka qenë edhe ministrja e Kulturës, Mirela Kumbaro, e cila ka theksuar se librat kanë një rëndësi të veçantë, jo vetëm për vlerat e tyre historike, por edhe ato shkencore.

Më Shumë

10 muaj burgim efektiv për ish-drejtorin e Administratës në Prizren

Gjykata Themelore në Prizren ka shpallur aktgjykim dënues ndaj Ilir Baldedaj,  duke e dënuar me 10 muaj burgim efektiv dhe si dënim plotësues, ndalim...

‘DokuFest’ shpalos programin e edicionit të sivjetmë

Mbi 250 filma në tetë kategori garuese, do të shfaqen në edicionin e 21-të të Festivalit Ndërkombëtare të filmit Dokumentar dhe të Shkurtër “DokuFest”. Edicioni...

Moti sot dhe nesër

Lajmet e Fundit