34.8 C
Prizren
E premte, 29 Gusht, 2025

‘Eriksen ka mbërritur në shtëpi’, flet bashkëshortja e futbollistit: Kemi nevojë për qetësi!

Pas një operacioni, për vendosjen e një defibrilatori automatik, Christian Eriksen la spitalin ditën e djeshme, për të nisur rikuperimin në shtëpi, në pritje për të mësuar a do të mund të rikthehet sërish në fushat e blerta.

Fantazisti u bëri një vizitë edhe shokëve të tij në përfaqësuesen daneze, duke u shprehur gjithë mbështetjen për këtë edicion të Europianit dhe para se të kthehej në shtëpi, foli për kanalin e federatës vendase, ku konfirmoi se është në gjendje të mirë shëndetësore.

LEXO EDHE:

Xhaka bindet nga Mourinho: Dua të shkoj te Roma!

Image

Të njëjtin konfirmim e ka dhënë edhe bashkëshortja e Eriksen, Sabrina, e cila e kontaktuar nga mediat italiane, ka theksuar se tashmë futbollisti dhe familja e tij kanë nevojë për pak qetësi, pas një momenti mjaft të vështirë që kaluan.

“Christian është mirë. Tani jemi në shtëpi dhe kemi nevojë mbi të gjitha për pak pushim dhe qetësi”, deklaroi Sabrina, e cila pa nga tribuna e “Perken Stadium” se si bashkëshorti i saj u rrëzua në tokë, pas një arresti kardiak.

Gjatë këtyre orëve pritet që Eriksen të bëjë një mbledhje online me drejtuesit dhe stafin mjekësor të Interit, të cilët më pas pritet të bëjnë një udhëtim “blitz” drejt Danimarkës, për të parë nga afër gjendjen e fantazistit dhe për të marrë në dorëzim kartelën mjekësore.

Ndërkohë vetë Eriksen pritet të rikthehet në Milano në muajin korrik, ku do t’u nënshtrohet edhe njëherë të gjithë ekzaminimeve të nevojshme, të cilat do të hedhin më shumë dritë mbi të ardhmen e karrierës së tij.

Image

©

Më Shumë

Prizreni finalizon projektbuxhetin për vitin 2026

Pas një procesi gjithëpërfshirës të dëgjimeve publike me qytetarë, organizata joqeveritare, shoqata dhe përfaqësues të biznesit, Komuna e Prizrenit ka finalizuar projektbuxhetin për vitin...

Arrestohet një kosovar në Morinë, tentoi të fuste kanabis në Shqipëri

Një 32-vjeçar nga Kosova është vënë në pranga nga Policia Kufitare në pikën e kalimit kufitar në Morinë, pasi u kap në flagrancë duke...

Lajmet e Fundit