Kryetari i Nismës për Kosovë Fatmir Limaj ka thënë se në Hagë bashkë me Ramush Haradinajn është gjykuar nga OKB-ja.
“Unë dhe Ramush Haradinaj në Hagë jemi gjykuar nga OKB-ja. Kanë pasur punë me individ dhe jo me shtetin e Kosovës”, ka thënë Limaj për RTV Besa në Prizren.
Ai ka kundërshtuar formimin e Gjykatës Speciale. Sipas tij formimi i kësaj gjykate prekë drejtpërdrejt sovranitetin e Kosovës.
“Ne e kemi dëshmuar pafajësinë, jo me llafe”, ka thënë Limaj.
Ai tregon se opozita nuk është kundër hetimeve të individëve, por kundër tkurrjes së sovranitetit të vendit.
“Kosovës po i kërkohet me e tkurr sovranitetin e vetë. Askush nuk ka të drejtë me negociua sovranitetin e vendit”. /PrizrenPress.com/