Komuna e Prizrenit nëpërmjet Drejtorisë së Shërbimeve Publike ka filluar me aksionin e pastrimit të lumit Lumbardhi dhe largimit të mbeturinave përreth shtratit të tij.
Aksioni i pastrimit po bëhet si pasojë e shfaqes së mbeturinave të shumta në lumë, të cilat janë hudhur nga persona të papërgjegjshëm. Segmenti i cili po pastrohet është në gjatësi prej 2.5 km, kryesisht në pjesën urbane të qytetit, duke filluar nga pjesa e Marashit e deri tek Parku i Qytetit.
Ndërkohë, Komuna e Prizrenit tashmë ka nënshkruar edhe Lotin 3 të kontratës për mirëmbajtjen verore dhe dimërore të rrugëve të komunës me KRM Ekoregjioni, gjë që pritet të ndikojë pozitivisht në zonat ku ka pasur vështirësi për mirëmbajtjen e pastërtisë së rrugëve.