“Për artin e tij të kujtesës me të cilin ai ka evokuar fatet më të pakapshme të njerëzimit, të tillat që nuk përpihen, dhe ka zbuluar jetën dhe botën e okupimit”. Ky ka qenë motivacioni që Akademia Suedeze ka dhënë për Patrick Modiano, fituesin e sivjetmë të Çmimit Nobel për Letërsi.
Modiano, ka lindur në Paris në vitin 1945, në Boulogne Billancourt. Puna e tij lidhet sidomos me identitetin, harresën, kujtimin dhe fajin. `Dora Bruder` është një nga krijimet e tij më të mira ndërsa në vitin 1972 ai ka fituar Çmimin për romanin më të mirë francez, i cili jepet nga Akademia Franceze.
Shtëpia Botuese Toena në vitin 2010 ka botuar romanin e Modianos `Në kafenenë e rinisë së humbur`, përkthyer nga Diana Çuli.