Kryetari i rizgjedhur i Suharekës, Sali Asllanaj , gjatë vitit të kaluar është përballur me akuzën e Prokurorisë se më 27 gusht të vitit 2008, kishte nënshkruar paligjshëm marrëveshjen për shfrytëzimin e tokës ndërtimore në pronësi shoqërore, duke ia mundësuar ndërmarrjes “Benaf”, ndërtimin e një strukture afariste banesore me garanci për shfrytëzim të përhershëm të ngastrës kadastrale. Pas disa seancave gjyqësore, Asllanaj në korrik të vitit 2013-s, kishte fituar betejën me drejtësin. Prokuroria në mungesë të dëshmive është tëhequr nga aktakuza dhe ai është shpallur i pafajshëm.
Deputeti i Parlamentit të Kosovës nga radhët e LDK-së, në zgjedhjet e vjeshtës i është kthyer garës për kryetar të Suharekës,pas humbjes që kishte pësuar nga kandidati i AAK-së, Blerim Kuçi.
Në nëntor të këtij viti, ai ka arritur të fitojë garën zgjedhore përballë kandidatit tjetër të AAK-së, Bali Muharremaj.Asllanaj për katër vitet e ardhshme do të jetë kryetar i Suharekës./PrizrenPress.com/