Asnjë femër nga Malisheva nuk është zgjedhur kryetare në fshatrat e kësaj komune në zgjedhjet të cilat kanë përfunduar gjatë këtij muai.
Këtë e ka konfirmuar të mërkurën kryetari i Komisionit komunal për organizimin dhe monitorimin e zgjedhjeve nëpër fshatra, Rrahim Morina, shkruan Koha Ditore.
Ai ka thënë se me rregulloren për zgjedhjet parashihet përfaqësimi i të dyja gjinive pa u përcaktuar ndonjë përqindje, por ka tërhequr vëmendjen se në 46 lokalitete të Komunës në kryesi të tyre janë përfaqësuar vetëm 2 femra, ndërkaq nuk është propozuar apo zgjedhur asnjë kryetare.
“Ne kemi insistuar në përfaqësimin e drejtë gjinor por ka qenë e kotë”, ka thënë ai.
“Vetëm në 3-4 fshatra ka pas pjesëmarrje të femrave në lokalitete të tjera nuk ka pas as pjesëmarrje”, ka njoftuar Morina.