Zyra për Komunitete dhe Kthim në komunën e Rahovecit, të cilën e udhëheq Slavisha Kollashinac, bëhet me një veturë, fal zyrës regjionale të UNMIK-ut në Pejë. Qëllimi i dhurimit të kësaj veture nga ana e UNMIK-ut është që zyrës për komunitete dhe kthim ti lehtësohet kryerja e detyrave dhe punëve që kanë në teren.
”Bisedat për të na dhuruar këtë veturë nga zyra e UNMIK-ut në Pejë kanë filluar para disa muajve por që tani na është dhuruar. Kjo veturë do të jetë një ndihmës e madhe sa i përket komunitetit RAE, pasi që ne nga tash e tutje do të dalim edhe jashtë qytetit, dhe pres një bashkëpunim më të mirë me komunitetin RAE të cilët jetojnë jashtë qytetit të Rahovecit, siç janë fshatrat Ratkoc, Krushë e Madhe dhe fshatrat tjera ku jeton komuniteti REA”, thote Kollashinac.
Zyra e UNMIK-ut në Pejë, përveç kësaj veture të cilën u ka dhuruar kësaj zyra, kjo zyre edhe në të kaluarën u ka ndihmuar edhe me disa kompjuter të cilët përdoren për kryerjen e punëve të zyrës për komunitete dhe kthim në komunën e Rahovecit. /PrizrenPress.com/