Forcat e Sigurisë së Kosovës, njësiti për Kërkim- Shpëtim kanë filluar gjatë ditës së djeshme operacionin e kërkimit të Muharrem Berisha nga fshati Gurbardh i Malishevës.
Sipas njoftimit të zyrës për media të FSK-së, kjo e fundit është angazhuar në operacion në rajonin e Malishevës.
Vendimi ka ardhur nga ministri i MFSK-së, Rrustem Berisha me urdhër të Gjenerallejtënant, Rrahman Rama.
“Ekipit e FSK-së të Kërkim-Shpëtimit në Male, gjithsejtë 18 pjesëtarë dhe njësia K-9 (njësia manovruese me qenë të stërvitur), janë në bashkëpunim të vazhdueshëm edhe me institucione tjera si dhe vullnetarë të shumtë”, thuhet në njoftim.
Operacioni i kërkimit është në vlugun e tij dhe se FSK do të vazhdoj kërkimet më tutje.