Avokati i familjes Dehari, Tomë Gashi, në një postim të tij në llogarinë e vet në “Facebook” me titull “Vdes dëshmitari kryesor në rastin e vrasjes së Astrit Deharit” ka shkruar se ende pa u bërë pesë muaj nga vrasja e Astritit për fat të keq në burgun e Lipjanit vdes dëshmitari kryesor Naser Makolli.
Postimi i plotë i avokatit Tomë Gashi:
Ende pa u bërë 5 muaj nga vrasja e Astritit për fat të keq në burgun e Lipjanit vdes dëshmitari kryesor Naser Makolli.
Ky ka qenë dëshmitari i parë që në orën 15:00 e ka parë Astritin në qendrën e paraburgimit në Prizren më 05.11.2016 kur janë kthyer të burgosurit nga shëtitja…
Sipas shkresave të lëndës ky ka qenë dëshmitari i parë që e ka parë Astritin pa ndjenja në qelin e përbashkët, këta kanë qenë në të njëjtën dhomë në Qendrën e Paraburgimit në Prizren
Naser Makolli ka dhënë deklarata në të cilën ka konfirmuar se dy javë para vdekjes Astriti ai ka qenë i frikësuar shumë.
Ky ka qenë dëshmitari prej të cilit Astritit ka kërkuar që nëse i ndodh diçka atij në burg ai t’i lajmëroj në telefon prindërit e Astritit, gruan, motrën dhe disa shokë të tij.
Ky ka qenë dëshmitar që ka dhënë informatë të shkruar se Astriti ka qenë i kërcënuar në burg…
Naser Makolli është transferuar nga burgu i Prizrenit 2 java pas vdekjes së Astritit.
Ky dëshmitar ka pas shumë të thotë për vrasjen e Astritit…
Ka edhe gjëra të tjera për këtë dëshmitar që mjerisht vdiq sot në burg….