Gjashtë kandidatë synojnë të marrin postin e kryetarit të Degës së LDK-së në Prizren.
Siç raporton TV Opinion në garë për kryetar të Degës së LDK-së në Prizren janë: Hanifi Muharremi, Haxhi Avdyli, Ridvan Hoxha, Xhavit Ukaj, Hatim Baxhaku dhe Anton Quni.
Burimet e këtij televizioni bëjnë të ditur se disa nga emrat jozyrtar për kryetar të Degës do të tërhiqen dhe nuk do të garojnë për këtë pozitë në Kuvend, por nuk përjashtohet mundësia, që edhe ndonjë emër i ri të garojë në Kuvend.
Zyrtarët e këtij subjekti politik thonë se janë bërë të gjitha përgatitjet për mbajtjen e Kuvendit Zgjedhor, i cili pritet të mbahet në fund të kësaj jave.