Një ditë para skadimit të masës së paraburgimit, “Grupit të Drenicës” i është vazhduar kjo masë edhe për dy muaj. Lajmin e ka konfirmuar Tomë Gashi, avokat i Sylejman Selimit.
“Gjyqtari i EULEX-it, në cilësinë e kryetarit të Trupit Gjykues në rastin e ushtarëve të UÇK-së, të njohur si ‘Grupi i Drenicës’, nuk e ka pritur fare skadimin e paraburgimit që do të ndodhte nesër, më 23 janar, por me vendim të ri sot ua ka vazhduar paraburgimin edhe për dy muaj të tjerë, deri më 23 mars”, ka thënë Gashi për “Epokën e re”.
Këtë vendim Gashi e ka cilësuar të pabazë, ndërsa ka shtuar se përsëritja e arsyetimit të gjyqtarit, se ata mund të ikin apo të ndikojnë te dëshmitarët e rastit, është bërë një stereotip të cilit nuk i beson askush në Kosovë.