Trajneri i Manchester City-t, Pep Guardiola, është dënuar 20 mijë funte dhe i është tërhequr vërejtja që të mos sillet në mënyrë të njëjtë në të ardhmen.
Në humbjen e City-t ndaj Wigan Athletic më 19 shkurt, Guardiola kishte bartur një fjongo të verdhë në mbështetje të të burgosurve në Kataloni, pas referendumit të nëntorit për pavarësi të këtij rajoni nga Spanja, përcjell Klan Kosova.
“Trajneri i Manchester City-t, Pep Guardiola, është dënuar 20 mijë funte dhe i është tërhequr vërejtja për sjelljen e tij në të ardhmen, pasi ka pranuar akuzën nga FA për bartjen e një mesazhi politik, më specifikisht një fjongoje të verdhë, në kundërshtim me rregullat e reklamimit dhe të uniformave të Federatës Angleze”, thuhet në deklaratën e FA-së.
Katalunasi mund të vazhdojë që ta bartë fjongon në konferencat për shtyp para dhe pas ndeshjes, por mbetet të shihet nëse ai do të sigurohet që ta mbulojë atë gjatë ndeshjeve.