19.8 C
Prizren
E martë, 16 Gusht, 2022

Hapet Universiteti Veror Ndërkombëtar në Prishtinë

Universitetit Veror NdërkombëtarRreth 600 studentë vendor e ndërkombëtar, nga të gjitha viset e botës, nga data 22 korrik deri më 2 gusht, do të jenë pjesëmarrës të këtij evenimenti tashmë tradicional me ç`rast do të ndjekin kurse të ndryshme si dhe do të këmbejnë përvoja akademike.

Më këtë rast, ministri Buja, në fjalën përshëndetëse tha se “ju sollëm këtu në ambiente të Muzeut të Kosovës jo rastësisht, që të mësojmë pak nga e kaluara jonë, të qëndrojmë në realitetin tonë bashkë me ju, dhe të ecim përkrah juve në të ardhmen tonë të përbashkët”.

Ndërsa, duke folur për rëndësinë e këmbimit të përvojave dhe qëllimin e këtij universiteti, ministri Buja theksoi edhe miqësitë që do të lidhen gjatë takimeve mes studentëve vendas dhe atyre të shteteve të ndryshme, të cilët kanë ardhur për të ndjekur ligjëratat në këtë universitet.

“Jo rastësisht thuhet se armiqësitë krijojnë të pabërat dhe të zezat e botës, ndërsa miqësitë krijojnë mrekullitë”, tha në fjalën përshëndetëse ministri Buja.

Punën e këtij Universiteti e shpalli të hapur rektori i Universitetit “Hasan Prishtina”, Ibrahim Gashi.

Ndryshe, ky është Universiteti i 13-të Veror Ndërkombëtar që organizohet me sukses në Prishtinë, ndërsa sipas agjendës, pjesëmarrësit përveç tjerash, do të ndjekin kurse nga disiplina të ndryshme si shkencat sociale, juridike, ekonomike, bujqësore, arti, mjekësia etj, ndërsa ligjërues do të jenë profesor vendor dhe ndërkombëtar./PrizrenPress.com/

Më Shumë

Fikayo Tomori gati të hedh firmën në kontraten e re

Mbrojtësi i Milan-it, Fikayo Tomori do të nënshkruajë kontratën e re afatgjate me kuqezinjtë, raportojnë mediat britanike. 24-vjeçari, i cili ka tre paraqitje për Anglinë,...

Sulmohet seksualisht 12 vjeçarja në Prizren

Një rast i trishtë ka ndodhur në rrugën “Rexhep Kabashi” në Prizren, ku një 12-vjeçare dyshohet se është sulmuar seksualisht nga një burrë 33-vjeçar,...

Lajmet e Fundit