26.8 C
Prizren
E diel, 7 Gusht, 2022

Haskuka e Bushrani vizituan projektet e realizuara në lagjen “Dardania”

Kryetari i Komunës së Prizrenit prof.dr. Mytaher Haskuka, së bashku me kandidaten për asambliste Mimoza Bushrani, vizituan dhe shikuan nga afër projektet e realizuara gjatë këtij mandati në lagjen “Dardania”.

Në fillim ata vizituan shkollën “Nazim Kokollari- Budakova”, tek e cila është ndërtuar çerdhja publike e lagjes “Dardania” dhe në këtë shkollë është duke u bërë renovimi i tërësishëm i sallës së edukatës fizike. Në infrastrukturë, është bërë shtrimi i rrugëve me kubëza betoni, me sipërfaqe 7440m2, rehabilitimi i kanalizimeve me gjatësi 698m, ndërrimi i gypave të ujësjellësit me gjatësi 120m, ndërtimi i rezervuarit të ujit dhe vendosja e pompave.

Po ashtu është duke u punuar në Shtepinë Rezidenciale për të Moshuar, e cila do të ofrojë qëndrim tërëditor për 30 të moshuar, me të gjitha kushtet e nevojshme dhe të parapara me standardet për ofrimin e shërbimeve sociale dhe do të funksionalizohet shumë shpejt.
Pastaj, ata ishin në vizitë tek Shtëpia e Komunitetit për Persona me Nevoja të Veçanta, e cila u përurua në muajin mars.

Kjo shtëpi, e ndërtuar për herë të parë në komunën e Prizrenit, tanimë ka një ambient familjar me banorët e saj, ku ofrohen shërbime të standardeve të larta dhe ka kapacitet për përkujdesjen e 14 personave për 24 orë.

Me këto projekte të realizuara në lagjen “Dardania” dhe gjithë lagjet e Prizrenit, Lëvizja VETËVENDOSJE! dhe kryetari Haskuka kanë dëshmuar se janë të denjë për të qeverisur dhe për të vazhduar edhe +4 vite në shërbim të qytetarëve.

Më Shumë

Butrint Imeri sonte performon në Prizren

Një nga këngëtarët më të suksesshëm të estradës kosovare, sonte do të performojë në Prizren. Butrint Imeri, sonte do ta ndezë atmosferën në njërin nga clubet...

Zyrtare: Juventusi dhe Atletico anulojnë miqësoren, shkak tensionet në Izrael

Sulmet e fundit ajrore ndaj Izraelit dhe kërcënimi i lëshimit të mëtejshëm të raketave në Tel Aviv kanë bërë që miqësorja e planifikuar e...

Lajmet e Fundit