20.8 C
Prizren
E hënë, 15 Shtator, 2025

Haskuka takohet me afaristët prizrenas

Sot kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Turizmit dhe Zhvillimit e Ekonomik, Sevil Kazaz dhe drejtorin e Drejtorisë së Inspektorateve, Islam Thaqi, zhvilluan një takim të përbashkët me afaristët prizrenas.

Komuna ka njoftuar se takimi ishte i fokusuar në fazën e parë të lehtësimit të masave për kthimin në normalitet, sipas së cilës shumica e këtyre afaristëve i kanë rihapur bizneset e tyre nga data 4 maj.

“Në takim u theksua rëndësia e respektimit të masave mbrojtëse për parandalimin e përhapjes së virusit COVID-19 nga ana e afaristëve, duke përfshirë vendosjen e njoftimit për qytetarë në hyrje të lokaleve, rëndësinë e dezinfektimit të hapësirave, përdorimin e maskave dhe dorëzave mbrojtëse etj”, thuhet në njoftim.

Ndërsa lidhur me vështirësitë ekonomike të shkaktuar nga pandemia, afaristët u informuan për lehtësimet që po ofron Komuna, si dhe Qeveria nëpërmjet Pakos Emergjente Fiskale.

Takimi shërbeu gjithashtu edhe për të diskutuar çështje të tjera në interes të afaristëve si investimet në infrastrukturë, zhvillimi i veprimtarisë gjatë vikendeve, grantet e Ministrisë së Zhvillimit Rajonal dhe problemet e ndryshme që vështirësojnë zhvillimin e biznesit./PrizrenPress.com/

Fotografia e Komuna e Prizrenit

Më Shumë

Superkupa në hendboll i takon Rahovecit

Superkupën e Kosovës në hendboll për edicionin 2025 e ka fituar Rahoveci, pas një dueli dramatik ndaj Kastriotit. Në ndeshjen e zhvilluar të shtunën mbrëma...

Mbyllet edicioni i gjashtë i Festivalit të Teatrove në Suharekë

Në natën e pestë dhe njëkohësisht përmbyllëse të Festivalit të Teatrove në Suharekë, u shfaq drama “Një dorëzim”, me regji të Afeida Boriçit, e...

Lajmet e Fundit