Kryetari i LDK-së në Prizren, Haxhi Avdyli thotë se subjekti që drejton është më seriozi për të udhëhequr Komunën e Prizrenit.
Ai, shpreson se në të ardhmen LDK-ja do ta marrë Prizrenin.
“Me gjithë ngritjet e rëniet e saj, prapë mbetet subjekti më serioz dhe i konsoliduar për të marrë barrën e udhëheqjes së vendit dhe Komunës në të ardhmen”, thotë Avdyli për “PrizrenPress”.
LDK-ja në Prizren, sot feston në datëlindjen e 28-të.
Festa mbahet në Hotel “Theranda” në Prizren, në ora 13:00.
Avdyli thotë se LDK-ja është pjesë e historisë së luftës për liri e shtetndërtim.
“LDK-në e lidh tradita ,aktiviteti, puna, ndershmëria dhe organizimi i mirë me përfshirje të gjerë shoqërore”, shprehet ai.
“Çdo ditë po dëshmohet se LDK ka potencialin më të pastër dhe më atdhetar për të avancuar Kosovën në sfidat e ardhshme”./PrizrenPress.com/