-0.2 C
Prizren
E shtunë, 28 Janar, 2023

Hernandez i vendosur të qëndrojë në Milan, refuzon Manchester City-n dhe Parisin

Ylli i madh i skuadrës së Milan-it, Theo Hernandez, si duket ka vendosur të qëndrojë te kuqezinjtë, pavarësisht se në drejtim të tij kanë ardhur oferta të majme nga klube të mëdha evropiane.

Manchester City e Paris Saint Germain, ishin disa nga ekipet të cilat interesoheshin për Theo-n, por ai pritet t’i qëndrojë besnik skuadrës së Milan-it.

Sipas asaj që shkruan gazeta italiane “Calcio Mercato”, drejtuesit e klubit kuqezi kanë avancuar bisedimet me futbollistin e tyre, për të vazhduar kontratën e cila i skadon në qershor të vitit 2024.

Në kontratën e tij aktuale, 24-vjeçari përfiton një pagë prej 1.5 milionë euro në vit, por Maldini dhe Massara, i kanë propozuar atij një marrëveshje të re që do të përfitonte dyfishin e pagës aktuale plus bonuse tjera.

Mirëpo, mbrojtësi francez dëshiron një milion më shumë sesa ajo që i propozuan drejtuesit, në mënyrë që ai të hedhë firmën mbi kontratën e re.

Pra, një diferencë e vogël mes kërkesës së futbollistit dhe ofertës së drejtuesve, e cila siç thonë mediat në Itali, shumë shpejtë mund të përfundojë me një marrëveshje të re.

Theo Hernandez po kalon një formë jashtëzakonisht të mirë me kuqezinjtë, i cili është ndër faktorët kyç në formën e mirë që po kalon skuadra e Stefano Pioli-t.

Kujtojmë që Milan-i e transferoi Theo-n në verën e vitit 2019 nga skuadra e Real Madrid-it, për shifrën e 22 milionë eurove, ndërsa vlera aktuale e tij, llogaritet të jetë rreth 50 milionë euro.

Mbrojtësi anësor ka zhvilluar në total 91 ndeshje me Milan-in në të gjitha garat, prej të cilave ka shënuar 16 gola.

/Albanianpost.com

Më Shumë

Zelensky – heroi i luftës së Ukrainës, sot mbush 45 vjet

Presidenti ukrainas, Volodymyr Zelensky, sot feston ditëlindjen e 45-të. Zelensky, i cili shërben si presidenti i gjashtë i Ukrainës që nga viti 2019, u bë...

Ky është i riu që humbi jetën aksidentalisht në Prizren

Arlind Kelmendi është personi që humbi jetën aksidentalisht në Prizren. Viktima ishte I shoqëruar me një mik. Ai ishte bllokuar në veturë dhe u nxor n...

Lajmet e Fundit