Gonzalo Higuain ka thënë se kritikat do ta bëjnë edhe më të fortë.
Sulmuesi 90 milionësh i Juventusit, Gonzalo Higuain është kritikuar që prej transferimit të tij nga Napoli, për shkak të gjendjes jo të mirë fizike.
Por, kjo nuk ka ndikuar në ndeshjen e parë të Higuainit me Juventusin, pasi hyri në pjesën e dytë dhe shënoi golin e fitores 2:1 kundër Fiorentinas.
“Është më mirë që të vazhdojnë të thonë se unë jam i shëndoshë, sepse unë do të vazhdoj të shënoj gola. Unë jam shumë mirë, kam stërvitur për 20 ditë dhe sinqerisht nuk i kuptoj kritikat rreth gjendjes time fizike”, tha Higuain për Tuttosport.