-0.2 C
Prizren
E shtunë, 28 Janar, 2023

Historia e Mazrrekut të Hasit

Shkruan: Fidan Shehu

Mazrreku shtrihet në krahinën e Hasit të Kosovës, në perëndim të Prizrenit. Ky vendbanim përmendet si fshat nga i cili e kishin prejardhjen familja Kastrioti, apo familja e Gjergj Kastriotit- Skënderbeut.

Është karakteristikë e veçantë se në afërsi të këtij fshati rrëzë Pashtrikut gjendet Kalaja e Fregnit, për të cilën mendohet se ishte pjesë e një qyteze me emërtimin Fregën, ku kjo dëshmohet edhe me faktin se një familje nga ky fshat e mbanë mbiemrin Fregni.

Ky vendbanim përmendet në defterë osman të kohëve të ndryshme, ndërsa si vendbanim është i regjistruar në Muhasebi-i Vilayet- i Rumeli, defteri nr.167, Sanxhaku i Prizrenit i vitit 1530, me emrin Mazarak, poashtu edhe në defterët e vitit 1571,1591 njihet me të njejtin emër Mazarak.

Sipas historisë gojore lidhur me këtë vendbanim, thuhet se në pikëtakimin para lagjeve është një vend ku është bërë flijimi për ditën e Zojës, ( më 15 gusht). Në këtë vend thuhet se ka qenë një kishë dhe famullitar i kësaj kishe gjatë viteve 1610- 1650 ishte Gjegj Sopi, ku ishte organizuar edhe mësimi në Gjuhën shqipe.

Lidhur me këtë vendbanim shkruan edhe Marin Barleti, ku thotë se prejardhja e familjes Kastrioti është nga fshati Mazarek.

Fshat po me të njejtin emër ekziston edhe në krahinën e Hasit të Shqipërisë.
Sot shkolla e këtij fshati e mban emrin ShFMU” Gjegj Kastrioti- Skënderbeu” në Mazrrek, komuna e Prizrenit.

Më Shumë

Policia kërkon ndihmë për kapjen e këtyre tri grave, morën telefonin e huaj në një qendër tregtare në Prizren

Sektori i Hetimeve të Stacionit policor Prizren njofton se është duke zhvilluar hetime lidhur me veprën penale Vjedhje, që ka ndodhur me datë 29.12.2022 në...

Jasharaj: Jemi në stres, nën 120 euro koeficienti i papranueshëm

Këtu bën pjesë SBASHK-u. “Jo nuk kemi info zyrtare përmes disa spekulimeve që thuhen. Jemi në stres, pa e ditë koeficientin ne nuk po dimë...

Lajmet e Fundit