Ministri i Punëve të Jashtme të Kosovës, Enver Hoxhaj, në një intervistë për gazetën Zëri pranon se Fatmir Limaj dhe Jakup Krasniqi e kanë dëmtuar PDK’në. Sipas tij, frytet e dëmit janë parë shumë qartë në zgjedhjet e fundit lokale në vend.
Sipas Hoxhajt, Kryetari I Kuvendit të Kosovës, Jakup Krasniqi dhe deputeti Fatmir Limaj janë emra të merituar në parti. Kadri Veseli gjatë këtyre muajve të fundit ka bërë një punë shumë të mirë sa I përket menaxhimit të partisë, strukturave, komunikimit me elektorat.
Kështu mendon ministr Hoxhaj. Ai foli edhe për humbjen e PDK’së nëpër disa Komuna të Kosovës.
“Mitrivcë dhe Gjakova janë dy qytete të cilat kanë pas një traditë më industrial se cdo qytet tjetër në Kosovë, ndoshta edhe më shumë se Prishtina. Dhe në këto 20 vitet e fundit të zhvillimeve politike, ekonomike, realisht kanë krijuar një psikologji tek elektorati në këto dy qytete që realisht të gjitha pushtetet qëndrore, nuk kanë investuar në këto dy komuna”, ka thënë ai në numrin festiv të gazetës Zëri.