Instituti Kombëtar i Shëndetit Publik të Kosovës po kërkon nga qytetarët që t’u përmbahen rekomandimeve të dhëna deri më tani dhe të mos dalin përgjatë orëve të lira të lëvizjes.
Sipas IKSHPK-së, qytetarët po rrezikojnë vetën dhe familjarët e tyre me daljet e panevojshme
Përmes një postimi në Facebook, IKSHPK-ja ka bërë të ditur se në, Prishtinë, Prevallë dhe në Brezovicë janë mbledhur grumbuj të njerëzve.
Instituti i Shëndetit Publik po kërkon nga qytetarët që të qëndrojnë nëpër shtëpitë e tyre, e të mos dalin pa nevojë.
“Ju lutemi ti përmbaheni rekomandimeve të Institutit Kombëtar dhe mos dilni në grumbuj gjatë orëve të lira të lëvizjes sepse jeni duke rrezikuar veten dhe Familjet e Juaja! Në Prishtinë, po vërehen dalje masive në orët e lira të lëvizjes. Grumbuj të njerëzve që po rrezikojnë veten dhe të gjithëve! Ju lutem kini kujdes se mund të shkaktoni shpërthim epidemik në kryeqytet! Në Brezovicë e Prevallë janë mbledhur grumbuj të njerëzve! Kjo është e rrezikshme!”, thekson IKSHPK-ja.