19.1 C
Prizren
E martë, 25 Qershor, 2024

Incidenti në Prizren, mosmarrëveshje midis përfaqësuesve të së njëjtës parti

prizreni5Incidenti i raportuar në mëngjes, në procesin zgjedhor në Prizren nuk është se dikush ka penguar dikë të votojë, por ka qenë një mosmarrëveshje teknike në mes të dy përfaqësuesve zyrtar të AAK-së në një qendër votimi, njoftoi policia në Prizren.

Drejtori rajonal i policisë në Prizren, Nexhmi Krasniqi, konfirmoi për “Zëri-n” se në qendrën e votimit të vendosur në lagjen periferike Arbana, ka pasur një gabim teknik, në mes të përfaqësuesve zyrtar të AAK-së të deleguar për të mbikëqyrur procesin, pasi që të dy kanë pasur shenjat identifikuese për të njëjtin vendvotim.

Ai tha se kjo çështje është zgjidhur dhe tash jo vetëm këtu, por në tërë territorin e komunës çdo gjë po zhvillohet normalisht.

Edhe Kryeprokurori i Prokurorisë Themelore të Prizrenit, Sylë Hoxhaj ecurinë e deritashme të procesit zgjedhor në rajonin e Prizrenit e ka vlerësuar të rregullt dhe pa pengesa.

Ndërkaq, dega e AAK-së-së përmes një reagimi ka njoftuar se në bazë të informatave nga vëzhguesit dhe anëtarët e saj, ka vërtetuar se ka parregullsi në listat e votuesve, pasi disa anëtarë të AAK-së në Prizren, nuk mund të gjejnë emrin e tyre në listat e votuesve nga KQZ.

“Njëri nga ta është edhe anëtari i kryesisë qendrore të AAK-së, Haxhi Ferati i cili nuk figuron askund në listat e votuesve të KQZ-së”, thuhet në njoftim.

Më Shumë

Dogana e Kosovës gjen mallra të fshehura në një automjet në pikën kufitare të Vërmicës

Dogana e Kosovës njofton se ka parandaluar futjen e mallrave të padeklaruara në Pikën Kufitare Vërmicë. “Pas ndalimit të një automjeti, drejtuesi është pyetur nëse...

Pesë persona të lënduar nga një aksident trafiku në Suharekë

Sot rreth orës 12:00 ka ndodhur një aksident trafiku në fshatin Sallagrazhdë të komunës së Suharekës. Kështu u bë e ditur nga ekipi i Zjarrfikësve...

Lajmet e Fundit