Inter Miami i David Beckham, kanë shprehur përsëri interesim për sulmuesin e Atletico Madrid-it, Luis Suarez.
Inter Miami humbi në play-off sezonin e kaluar dhe po kërkon të forcoi sulmin para sezonit 2022 dhe Suarez, i cili ka pësuar një rënie në formë këtë vit pasi ndihmoi Atletin të fitonte La Ligën në 2020/21, mund të tundohet nga një ofertë e madhe.
Largimi i fundit i Blaise Matuidi ka hapur një vend për lojtar të caktuar në listën e Miami, të cilin Suarez mund ta plotësojë.
Gonzalo Higuain është sulmuesi tjetër i skuadrës, por gjithashtu është folur se ai mund të tërhiqet në të ardhmen e afërt, duke dyfishuar vendosmërinë e Miamit për t’u forcuar në sulm.
Sipas Pedro Bravo në El Chiringuito, Suarez është i interesuar për ofertën e Beckham për të luajtur në Shtetet e Bashkuara, por pas tij ka edhe ekipe të tjera, duke përfshirë Aston Villa-n dhe një klub aziatik.
Sulmuesi 34-vjeçar mund të preferojë të presë deri në fund të sezonit spanjoll, përpara se të bëjë një lëvizje.
Sezoni i MLS fillon në fund të shkurtit, kështu që nëse Suarez vendos të transferohet në Shtetet e Bashkuara, ai duhet të marr vendimin së shpejti.
/Albanianpost.com