11.8 C
Prizren
E premte, 4 Prill, 2025

Isa Mustafa: Gratë kosovare heroina, meritojnë më shumë

isa mustafa 3Kryeministri i vendit, Isa Mustafa, me anë të një shkrimi në rrjetin social Facebook, ka uruar Ditën Ndërkombëtare të Gruas, 8 marsin.Mustafa, duke folur për rolin e gruas kosovare ndër vite, ka thënë se ato meritojnë edhe më shumë, kujdes më të madh të shoqërisë.Ai i ka cilësuar femrat si të guximshme, të afta dhe vetëflijuese.

Më poshtë, mund të lexoni shkrimin e plotë të Mustafës:

Historia e Ditës së Gruas nuk njeh vetëm kërkesat e grave për të drejtat e tyre; të votës, qeverisjes, punës, arsimimit, për ndalimin e diskriminimit por edhe për kundërshtimin e tyre ndaj dhunës, luftës, urisë…

Këso ishin edhe gratë kosovare të fundshekullit të njëzetë. U gjetën në radhët e para të protestave kundër dhunës e terrorit. U përplasën me makinerinë ushtarake e policore për të ruajtur dinjitetin kombëtar, për ta mbrojtur familjen dhe për ta fituar lirinë e vendit të tyre. Ishin luftëtare, heroina, dëshmore të kombit.

Të tilla janë edhe sot. Në institucionet më të larta të vendit, bartëse të arsimit e edukimit, mjeke e afariste, police e pjesëtare të FSK-së, kultivuese të familjes e edukatore të fëmijëve. Meritojnë edhe më shumë. Kujdesin më të madh të shoqërisë.

Shoqëritë e emancipuara cilësohen me pozitën sociale të gruas, me përfshirje të madhe të grave në të gjitha aktivitetet ekonomike e sociale. Vlerat e një shoqërie nuk maten me numra të veçuar, ato pasqyrohen përmes harmonisë. Do të punojmë së bashku të ndërtojmë vlerat tona.
Zonja të nderuara, Ju uroj 8 Marsin!

Më Shumë

Disa persona demolojnë një shtëpi në Malishevë, dyshohet se vodhën dy armë zjarri

Persona të panjohur dyshohet se kanë depërtuar me forcë brenda një shtëpie në fshatin Bubavec të Malishevës, dhe sipas policisë, ata e kanë demoluar...

Hoqa e Vogël përkujton 33 martirë dhe nëntë dëshmorë

Në Hoqë të Vogël të Komunës së Rahovecit, sot u përkujtuan të rënët për liri gjatë luftës së fundit në Kosovë. 13 banorë të këtij...

Lajmet e Fundit