Zgjedhja e kryetarit të Degës së LDK-së në Prizren, ka mbetur peng i liderit, Isa Mustafa. Kandidatët për kryetar, janë në pritje të mbajtjes së më shpejt të Kuvendit Zgjedhor në të cilën do të zgjidhet kryetari i Degës së këtij subjekti politik në Prizren.
Këshilli Drejtues i LDK-së në Prishtinë, muajin e kaluar ka marrë vendim që të pezullojë për një kohë të pa caktuar zgjedhjen e kryetarit të Degës në Prizren.
Koordinatori Shtabit Zgjedhore të LDK-së, Hanefi Muharremi tha se Dega është e përgatitur që të mbajë zgjedhjet kurdo që merr vendim Kryesia në Prishtinë.
“Ne jemi të gatshëm t’i mbajmë zgjedhjet kurdo që Kryesia në Prishtinë vendosë”,ka thënë për Muharremi për “PrizrenPress” .
Sipas tij, LDK-ja në Prizren nga shtatori ka mbajtur zgjedhjet nëpër të gjitha nëndegët dhe është e gatshme të zgjedhë edhe kryetarin.
“Kuvendi Zgjedhor është shtyrë për shkak angazhimeve që ka pasur Isa Mustafa në ndërtimin e institucionave të Kosovës. Shpresojmë se tash do të aktojë ditën e Kuvendit Zgjedhor dhe se do të gjen kohë që të jetë prezent në këtë kuvend”, tha Muharremi.
Kandidatë për kryetar të Degës së LDK-së në Prizren janë: Haxhi Avdyli, Ridvan Hoxha dhe Hanifi Muharremi.
Pas zgjedhjeve nacionale të 8 qershorit, Eqrem Kryeziu ka dhënë dorëheqje nga posti i kryetarit të Degës së LDK-së në Prizren. Ai dorëheqjen ia ka ofruar liderit të LDK-së, Isa Mustafa, pas humbjes që pësoi në zgjedhjet lokale për kryetar të Prizrenit dhe garës për deputet të Parlamentit të Kosovës. Kryeziu ishte akuzuar një pjesë e Kryesisë dhe disa nëndegë të LDK-së për mungesë unifikimi dhe humbjen e zgjedhjeve./PrizrenPress.com/