Kryetari i Komunës së Dragashit, Behxhet Xheladini, ka pritur sot në një vizitë zyrtare të ngarkuarin me punë në Ambasadën e Japonisë në Prishtinë, Hiroyasu Tanigaki, i shoqëruar nga bashkëpunëtorët e tij dhe përfaqësuesi i organizatës japoneze JICA, Xhelal Gashi.
Në këtë takim, që u zhvillua në ambientet e Komunës, kryetari Xheladini, së bashku me nënkryetarin Resul Fetahu dhe disa nga drejtorët komunalë, i shprehën mirënjohje të thellë z. Tanigaki për mbështetjen e vazhdueshme të popullit japonez për qytetarët e Dragashit.
Pas takimit zyrtar, delegacioni vizitoi fshatin Restelicë, ku u organizua një ceremoni simbolike për pranimin-dorëzimin e objektit për depozitimin e mbeturinave – projekt ky i financuar nga Qeveria Japoneze përmes Programit GGP (Grante për Projekte për Sigurinë Bazike Njerëzore).
“Ky projekt është më shumë se një investim – ai është një dëshmi e solidaritetit ndërkombëtar dhe një shenjë e miqësisë mes popullit japonez dhe komunitetit tonë”, u shpreh kryetari Xheladini gjatë ceremonisë.
Një falënderim i veçantë u drejtua për OJQ-në “Eco Restelica”, e cila ka qenë partnere e pandashme në përpjekjet për menaxhimin e mbeturinave në këtë zonë.
Vizita u përmbyll me një ekskursion në bjeshkët e Restelicës, si dhe me një ndalesë në fushën e re të Stadiumit të Qytetit në Dragash.
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren