Ka marrë start procedura për themelimin e një gjykate speciale me përbërje ndërkombëtare, e cila do të gjykojë përgjegjësit për krimet e luftës që pretendohet se janë kryer nga Ushtria Çlirimtare e Kosovës. Autoritetet e Kosovës i kanë kërkuar Brukselit zyrtar ndihmë për këtë.
Është presidentja Atifete Jahjaga ajo që ka adresuar për në kryeqytetin e Bashkimit Evropian kërkesën për vazhdimin e mandatit të EULEX-it dhe për krijimin e gjykatës. Në vija të trasha, kreu i shtetit e ka përshkruar se si do të duket ky mekanizëm i drejtësisë.
Në Presidencë, të hënën, ia kanë konfirmuar “Kohës Ditore” nisjen e letrës adresuar baroneshës Catherine Ashton, përfaqësuese e lartë e Bashkimit Evropian për Politikë të Jashtme dhe Sigur