Policia e Kosovës përmes një komunikate ka bërë të ditur se ka arrestuar katër persona për vjedhje në Prizren.
“Hetues policorë nga Stacioni Policor i Prizrenit, sot i kanë arrestuar katër persona të dyshuar në dy raste të veçanta. Në rastin e parë është arrestuar i dyshuari me mbiemër Gavazaj i cili kishte vjedhur parfume “Versace Eros” në një qendër tregtare në vlerë 112 euro dhe më pas i kishte shkëmbyer për drogë”, thuhet në konfirmimin e PK-së.
“Tre të arrestuarit tjerë me mbiemër Morina, Shega dhe Kajmakci janë arrestuar pasi hetuesit kanë siguruar prova të pakundërshtueshme se të tretë, si grup i strukturuar kishin vjedhur pije alkoolike: viski; votka shtok etj. Në një shitore në fshatin Lutogllavë dhe të njëjtat i kanë shkëmbyer me drogë”, ka thënë PK-ja.
Për arrestimet është informuar prokurori i shtetit i cili ka urdhëruar që të dyshuarit të ndalën nën masën e arrestit policor.