Policia e rajonit të Prizrenit njofton se sot paradite në tregun e kafshëve në Suharekë, ka ndodhur një rrahje në vend publik që për pasojë ka dy persona të lënduar rëndë dhe tre të tjerë kanë pësuar lëndime të lehta trupore.
“Pas pranimit të informatës, Policia e Suharekës ka dalë në vendin e ngjarjes dhe i ka arrestuar personat e dyshuar. Sipas raporteve hetimore thuhet se tre vëllezër me mbiemër Stoliçi nga Guncati i Malishevës i kanë sulmuar dy meshkuj po ashtu me mbiemër Stoliçi nga i njëjti fshat, me ç’ rast janë përdorë shufra metalike dhe shkopinj druri”, thuhet në komunikatë.
Sipas Policisë tek njëri in dyshuar është gjetur dhe sekuestruar një pistoletë e llojit VZOR 50.
Policia ka sekuestruar edhe një automjet të të dyshuarve.
Sipas mjekëve nga Spitali Rajonal i Prizrenit, thuhet se dy të lënduarit rëndë do të ndalën për trajtim të më tejmë ndërsa të tjerët pas ndihmës mjekësore janë larguar nga institucionet shëndetësore.
Ndërkaq, në vazhdën e hetimit të rastit, policia ka kryer intervista me të dyshuarit dhe më pas, në konsultim me prokurorin e shtetit është vendosur që tre të dyshuarit të ndalën nën masën e arrestit policor.