Si pasojë e dy aksidenteve në trafik, katër persona kanë marrë lëndime trupore. Sipas raportit të Policisë, njëri rast ka ndodhur në rrugën “Tirana” në qytetin e Prizrenit dhe tjetri në fshatin Bllacë.
Në rrugën “Tirana”, raportohet se ka ndodhur aksident trafiku ne mes të një kamioni dhe një veture civile.
“Deri te aksidenti ka ardhur kur i dyshuari mashkull K-Shqiptar duke lëvizur me kamionin ‘Isuzu’, duke bërë kthim te pasigurt ndeshet me veturën ‘Seat’, me ngasës viktimën mashkull K-Shqiptar”.
“Si pasojë e aksidentit për veç dëmeve materiale lëndime trupore pësojnë ngasësi dhe një pasagjere femër K-Shqiptare te cilët dërgohen për tretman mjekësor ne Spitalin e Prizrenit”.
Ndërkaq në fshatin Bllacë, raportohet se një veturë del nga rruga me qëllim që t’i shmanget aksidentit të drejtpërdrejt në përball kalim.
“Raportohet se i dyshuari mashkull K-Shqiptar me veturën e tij civile gjatë tejkalimit të pa sigurt ka detyruar viktimën mashkull K-Shqiptar të del nga rruga me veturë me qëllim që ti shmanget aksidentit të drejtpërdrejt në përball kalim dhe del jashtë rrugës”.
“Si pasojë e aksidentit viktima së bashku me pasagjerin mashkull K-Shqiptar kanë pësuar lëndime trupore ku janë dërguar në Spitalin e Prizrenit dhe sipas mjekëve janë jashtë rrezikut për jetë”. /PrizrenPress.com/