19.8 C
Prizren
E diel, 14 Korrik, 2024

KE financon themelimin e Institutit për Inovacion dhe Punësim në UPZ

Rektori i Universitetit “Ukshin Hoti” në Prizren, Prof. Dr. Ramë Vataj, të mërkurën ka nënshkruar Marrëveshjet e Grantit për projektin “Krijimi i Qendrave nga Teoria në Praktikë për Inovacion dhe Punësim”, financuar nga programi Erasmus + i Bashkimit Evropian, me Prof. Mihone Kerolli Mustafa, përfaqësuese zyrtare e këtij grant. Qëllimi grantit është themelimi i Institutit nga Teoria në Praktikë për Inovacion dhe Punësim në Fakultetin e Ekonomisë në Universitetin “Ukshin Hoti” në Prizren.

Rektori i Vataj e vlerësoi lartë nënshkrimin e këtij Granti, duke theksuar së është shumë i rëndësishëm për zhvillimin e mëtutjeshëm të UPZ-së.

Partnerë në këtë projekt janë: International Business College Mitrovica- IBCM në Mitrovicë, Shkolla e Menaxhimit Graiciunas (Lituani), Universiteti i Ekonomisë Kombëtare dhe Botërore (Bullgari), Universiteti i Lubjanës (Sllovenia) dhe Kolegji Rajonal i North West (UK), Universiteti i Prishtinës, Universiteti “Haxhi Zeka”, Universiteti i Shkencave të Aplikuara në Ferizaj, Kolegji i Ekonomisë Pejë-Leposaviq, Dhoma e Tregtisë në Kosovë.

“Të gjithë përfaqësuesit e institucioneve partnere kanë shprehur entuziazmin dhe angazhimin e tyre drejt përfundimit me sukses të këtij projekti. Ky projekt do të arrijë deri në 20,000 persona të angazhuar në arsimin e lartë dhe ekonominë në Kosovë dhe jashtë saj (përmes shpërndarjes së tij profesionale). Për më tepër, projekti përfshin rritjen e kapaciteteve profesionale të stafit brenda UPZ dhe partneritetit me Institucionet e Arsimit të Lartë ndërsa gjithashtu punon drejtpërdrejt me sektorin privat për të ndërtuar bashkëpunim afatgjatë. Rezultatet shtesë përfshijnë modernizimin dhe inovacionin e programeve ekzistuese arsimore, duke përditësuar dhe duke krijuar kurse të reja ku do të identifikohen mospërputhjet e aftësive”, thuhet në njoftimin e UPZ-së.

Ky projekt paraqet shumë mundësi për të gjithë stafin e studentët e institucioneve partnere, dhe më shumë.

Vlera e përgjithshme e këtij Granti është EUR 1.164.002,00. /PrizrenPress.com/

Më Shumë

25 vjet nga rënia e dëshmorëve, Reshat Çoçaj dhe Muharrem Samahodaj

Dy dëshmorët e kombit nga Hasi, Reshat Çoçaj dhe Muharrem Samahodaj, përkujtohen sot në 25 vjetorin e rënies. Çoçaj e Samahodaj ishin pjesëtarë të UCK-së. Ish-...

Nga një muaj paraburgim dy të dyshuarve për vrasjen e 26-vjeçarit në Prizren

Gjykata Themelore në Prizren ua ka caktuar nga një muaj paraburgim dy personave të dyshuar për rastin e 26-vjeçarit, i cili të shtunën u...

Lajmet e Fundit