Organet gjermane të hetuesisë po i vazhdojnë hetimet për atentatin nga i cili kanë humbur jetën vëllezërit Jusuf e Bardhosh Gërvalla si dhe Kadri Zeka.
Konfirmimi vjen nga një aktivist tjetër i atëhershëm i emigrantëve shqiptar, Ibrahim Kelmendi. Njeriu që ka shkruar një libër për atentatet e që ka treguar me emër e mbiemër se kë e sheh atentator të vëllezërve, është dëshmitar i rastit. Ai ka vazhduar të përsërisë se vazhdon të jetë i bindur se atentoatori i kësaj vrasje ishte Riza Salihu.
Në një intervistë për gazetën Tribuna ai nuk ka përmendur emra tjerë si të përfshirë në këtë vrasje, përpos Riza Salihut, derisa ka thënë se intervistimi nga organet gjermane ka ndodhur hiq më pak se para një viti, duke konfirmuar kështu se hetimet për një vrasje të tillë, janë duke vazhduar.
Megjithatë njeriu që i di shumë mirë rrethanat e vdekjes nuk është optimist se drejtësia do të shkoj ndonjëherë në vend dhe vrasësit e Jusuf e Bardhosh Gërvallës do të dalin para drejtësisë.