Këshilltari i Asamblesë Komunale të Prizrenit, nga radhët e PDK-së, Gëzim Duraj ka kërcënuar kryetarin e Komunës, Ramadan Mujën se nuk do të votojë buxhetin nëse nuk merren parasysh kërkesat e hasajnëve për investime në Has.
“Kërkesat që po i paraqesim këtu do do t’i diskutojmë edhe në KK.Do të mundohemi që ato të jenë pjesë e buxhetit,sepse në fund të fundit jemi ne ata që e votojmë buxhetin e jo Ekzekutivi. Prandaj, nëse nuk futen këto kërkesa nuk e votojmë buxhetin”, ka thënë Duraj i PDK-së në debatin që kryetari Muja ka mbajtur me banorët e fshatrave të Hasit.
Kryetari Ramadan Muja, ndërkaq këtë deklaratë të Durajt e ka cilësuar si një “kërcënim”. Edhe këshilltari tjetër i PDK-së, Shukri Çuni, ka kërkuar nga Muja që t’i marrë seriozisht kërkesat e banorëve të fshatrave të Hasit. /PrizrenPress.com/