Trajneri gjerman Jurgen Klopp iu ka kërkuar lojtarëve të Liverpool-it që t’i veshin maskat dhe dorezat si masë preventive ndaj pandemisë Covid-19.
Premier League do të fillojë më 17 qershor pas një pezullimi tremujorë të shkaktuar nga përhapja e koronavirusit, shkruan Goal.
Andaj, siguria e lojtarëve po duket të jetë fokusi kryesor i Jurgen Klopp.
“Po duket të jetë një mjedis i sigurt, por ne kurrë nuk mund ta jemi të sigurt se nuk do të ketë infeksione. Ende kemi një jetë normale, djemtë janë të disiplinuar masivisht”.
“Ne veshim maska dhe nuk e kuptoj pse jo të gjithë në Angli nuk i përdorin ato – posaçërisht në hapësirat e mbyllura. Nuk e kuptoj, kjo e ka ndihmuar shumë Gjermaninë. Nuk jam ekspert, por kjo ka ndihmuar shumë atje”.