Koalicioni i udhëhequr nga Shtetet e Bashkuara ka kryer 23 sulme ajrore në Irak dhe 8 në Siri, gjatë 24 orëve të fundit, sulme këto që kanë pasur për cak militantët e Shtetit Islamik.
Ushtria amerikane ka thënë më 18 korrik se kanë sulmuar grupin militant Shteti Islamik dhe pozicionet e tyre afër qytetit Tal Afar dhe Ramadi.
Koloneli Wayne Morotto, zëdhënës i Task Forcës së Përbashkët, tha se këto sulme i kanë shkaktuar dëm të madh armikut.
Dhjetë nga sulmet ajrore ka ndodhur në Tal Afar, ku janë shkatërruar ndërtesa dhe makina të IS-it, si dhe janë dëmtuar njësi taktike, depo të armëve, transmeton REL.
Morotto ka thënë se 5 sulme kanë ndodhur pranë qytetit Ramadi, ku janë shkatërruar ekplozivët e improvizuara si dhe disa makina.
Ndërkaq, 8 sulme ajrore janë kryer në Siri, 5 prej tyre kanë qenë afër qytetit Al-Hasakah.