Policia e Prizrenit i ka ndalur dy automjete në autostradën “Ibrahim Rugova” në afërsi të fshatit Vermicë ku i ka gjetur nëntë shtetas sirianë.
Kapja e tyre erdhi pasi një person rreth orës 00:45 kishte raportuar në Qendrën Operative të Policisë në Prizren se i kishte parë disa vetura dhe njerëz që po bënin lëvizje të dyshimta në afërsi të restoranitit “Univesium” në Vërmicë dhe të njëjtit kishin hyrë në autostradë në drejtim të Prishtinës.
“Emigrantët janë shoqëruar për në stacion ku janë shërbyer me bukë e ujë ndërsa njëri prej tyre është ndier i molisur andaj është thirrur mjeku i emergjencës për trajtim mjekësor”, thote zëdhënësi i Policisë Rajonale në Prizren, Hazir Berisha.
Lidhur me rastin është informuar prokurori i shtetit i cili ka urdhëruar që automjetet të sekuestrohen në cilësi të provave materiale, ndërsa dy drejtuesit e tyre të ndalen nën masën e arrestit policor, /PrizrenPress.com/