Kryeparlajmentari Jakup Krasniqi është i kënaqur me rezultatin e arritur të Iniciativës Qytetare për Malishevën, por thotë se edhe në Drenas nuk është pak.
Në një bisedë të shkurtër për Indeksonline, kryeparlamentari Krasniqi thotë se, kur analizohen të gjitha rrethanat, mundësit tona, jam shumë i kënaqur.
“Ndonëse nga Drenas kam pritë më shumë, unë i falënderoj ata qytetarë që ia dhanë besimin Iniciativës Qytetare për Drenasin dhe i dhanë mundësi një mendimi ndryshe”, ka thënë Krasniqi, duke shtuar se edhe kaq nuk është pak.
Jakup Krasniqi e Fatmir Limaj, u kanë dhënë mbështetje të madhe dy Iniciativave Qytetare në Malishevë e Drenas. Në Malishevë, IQ ka marrë mbi 42% të votave, ndërsa në Drenas mbi 24 %.