Kandidati i Lëvizjes Vetëvendosje! për kryetar të Malishevës, Alban Krasniqi, ka vizituar fshatin Mirushë.
Banorët e fshtit Mirushë janë ankuar tek Krasniqi se liqeni artificial i ndërtuar në lumin Mirusha po u shkakton një mori problemesh siç janë vërshimet gjatë stinëve të vjeshtës dhe dimrit, problemet me shpronësim dhe kompensim, shkatërrimi i Mullirit të vjetër.Ata u ankuan se janë injoruar dhe nuk është mbajtur asnjë dëgjim publik për planin rregullues dhe parkun tek liqeni i Mirushës,
Kandidati Krasniqi premtoi se pari do t’i rishikojë të gjitha çështjet që kanë të bëjnë me shpronësimet dhe kompensimet.”Pastaj duhet të ndalohet derdhja e ujërave të zeza në lumin Mirusha për të vazhduar më pastaj në krijimin e kësaj zone si vend ku mund të zhvillohet eko turizmi dhe turizmi rural që nënkupton edhe rindërtimin e Mullirit të Vjetër si simbol i fshatit”, tha Krasniqi.
Sipas tij, të gjitha këto do të bëhen në bashkëpunim dhe pjesëmarrje të qytetarëve të këtij fshati. “Në këtë takim u diskutua edhe për problemet tjera që ka fshati Mirushë dhe mënyrën e zgjidhjes së tyre, duke përfshirë rrugët dytësore, mos përfshirjen e tërë fshatit në rrjetin e kanalizimit, mungesa e subvencioneve për bujqësi, rregullimi i oborrit të shkollës dhe terreneve sportive”, tha Krasniqi. Në këtë vizitë morën pjesë kandidatët për Asamblenë Komunale Pleurat Thaçi, Safet Mazreku dhe Armend Krasniqi./PrizrenPress.com/