Ish-Nënkryetari i LDK’së, Eqrem Kryeziu, ka folur për koalicionin e ri të lidhur mes Isa Mustafës dhe Hashim Thaçit.
Kryeziu, këtë lidhje e ka quajtur normale, por jo edhe deklarimet e Isa Mustafës se kurrë s’do të ketë koalicion me PDK’në.
Sipas tij, Isa Mustafa dhe bukuroshat e LDK’së e kishin persekutuar kur kishte deklaruar se s’bën të vendosen vija të kuqe për asnjë parti por s’duhet lidhur marrëveshje për korrupsion e krim të organizuar.
“Jam persekutuar pse isha kundër vijave të kuqe. Bukuroshat e LDK-së m’u sulën, veçan prapa shpine. Vetë Isa erdhi si Kryetar i partisë duke trashur vijën e kuqe me PDK-në. Atëbotë unë isha i tmerruar, sepse një njeri përgjegjës nuk bën me asnjë çmim të ushqejë pasionet primitive të njerëzve, ose ta quaj më mirë – të manipulojë me kategoritë irracionale të tyre. Sot ISIS organizon edhe për fëmijë shfaqje me koka të prera”, ka shkruar Kryeziu.
Lexojeni të plotë reagimin
Jam i ftuar prej miqësh për të dhënë opinionin tim rreth zhvillimeve të fundit dhe po e bëj me këtë rast.
Ishte një burrë, merak në elegancë, që blente këpucë të paktën dy numra më të vegjël se masa e këmbës. Dhe i bante, duke i shkaktuar ecje nëpër mundime, si Veton Surroi gjatë ecjes epike gjithandej Kosovës.
Pas gjëmimeve, sa me jehonë, sa pa jehonë, nga shkaku i ngërçit fizik që ua bënte këmbëve të veta, miqtë morën guxim dhe e pyetën:
– Njeri, a mund të na shpjegosh pse e torturon veten në këtë mënyrë?
– Ju nuk e dini ç’lehtësim e ç’kënaqësi ndiej kur në mbrëmje i zbath këpucët – tha.
Ngërç ai jarani, ngërç Kosova.
Lehtësim tani.
Jam persekutuar pse isha kundër vijave të kuqe. Bukuroshat e LDK-së m’u sulën, veçan prapa shpine. Vetë Isa erdhi si Kryetar i partisë duke trashur vijën e kuqe me PDK-në. Atëbotë unë isha i tmerruar, sepse një njeri përgjegjës nuk bën me asnjë çmim të ushqejë pasionet primitive të njerëzve, ose ta quaj më mirë – të manipulojë me kategoritë irracionale të tyre. Sot ISIS organizon edhe për fëmijë shfaqje me koka të prera. Por e liga doli në rrugë dhe do të merrte tagrin e vet (Shakespeare Jul Qesari).
E vetmja vijë e kuqe për mua ka qenë kundër qeverisë së korrupcionit e të favorizimit të krimit të organizuar.
Ky koalicion nuk është rasti për të sulmuar unë qytetarin Isa.