Një 15-vjeçar me inicialet A.O ka humbur jetën, pasi është mbytur në një rezervuar në fshatin Vlashuk të qytetit të Kuçovës.
Mësohet se adoleshenti kishte shkuar për t’u larë në këtë rezervuar me shokët e tij.
Ngjarja ka ndodhur rreth orës 12:30 të ditës së sotme, ku 15-vjeçari është futur në ujë për t’u freskuar dhe nuk ka dalë më në breg.
Shokët dhe familjarët janë vënë në kërkim të tij, por nuk kanë arritur ta gjejnë.
Më pas, ata kanë njoftuar policinë e Beratit dhe polumbarët për të kërkuar trupin e pajetë të adoleshentit, të cilët kanë arritur të gjejnë trupin e pajetë të tij.